الاختلاف في الرأي يفسد للود الف قضية وقضية
سامحوني اذا كنت حرفت في المقولة شويتين بس للاسف هو دة واقعن ا تعالي حضرتك اختلف مع اي حد في الرأي في اي حاجة وشوف رد فعل ايه هتلاقيه اتشنج وصوته علي وممكن يجيله الضغط والسكر كمان ياجماعة احنا ليه كدة ؟ ليه لما نحس ان في حد عنده وجة نظر مختلفة نعلم عليه ونتجنبه ؟ ليه منحاولش ندي الاخر فرصة انه يقنعني برايه ممكن قوي تكون وجهة نظره صحيحة بلاش كدة مش مهم نقتنع برأيه بس منكرهوش ايه المانع اني اختلف معاك وافضل احبك واحترمك انا بقول الكلام دة لان حصل معايا موقف امبارح استفزني جدا انا نزلت واتنين صحباتي نعمل تحقيق عن فاعلية اتحاد الطلاب في الجامعة وقولنا ان الاتحاد مالوش دور ملموس وانه صورة وفقط ودي كانت وجهة نظرمعظم طلاب الجامعة الي هي كمان وجهة نظرنا فافوجئنا بهجوم حاد من اتحاد كلية التربية النوعية وقالوا ان احنا غلطنا فيهم وخلونا نحس ان احنا اعداء لهم وكل همنا ان احنا نبينهم للناس انهم لا وجود لهم ودة طبعا ماكنش قصد نا خالص وحاولنا نفهمهم وجهة نظرنا وان احنا مش بنتكلم عن اشخاص بعينهم احنا بنتكلم عامة لكن هما مردوش يفهمونا ولا حتي ادونا فرصة نشرح وجهة نظرنا.
في النهاية انا عايزة اقول مش معني اني اختلفت معاك يبقي انا كدة بكرهك
بس خلاص
