انا آسفة جدا لعدم مشاركتي طوال 5 أيام أنا كنت دايما متوجدة كل يوم طبعا عشان استفيد من الكتابات انما انا فعلا كان نفسي من زمان كل واحد يجرب يكتب من دماغه بس اكيد الموضوع هيبقى مختلف واليوم انا بشارك في اسبوع التواصل الفعال ان شاء الله بعد كده هنجمع مواضيع وكتب بس حبيت اول مشاركة تكون مفهومي الشخصي للتواصل أو التواصل بالنيبالي ايه يارب ميكونش اسلوبي دمه تقيل بس أكيد لازم اجرب عشان اعرف
بشكل بسيط التواصل هو الجسر أو القارب للوصول لآخر سواء الآخر ده شخص بكلمه أو صديقة نفسي جسر الحوار بينا يتمد أو حتى شخص مخالف رأيه لآرائي ونفسي نفهم بعض وغير كده صور كتير جدا جدا يعني التواصل هو جسر رابط طيب يعني ايه فعال فعال معناها انه يؤدي دور معين في الحياة
يعني اتكلم واقول رأي بكل حرية ووضوح (بس حرية دي حاسبوه منها ) انما في نفس الوقت لازم يكون الكلام له هدف معين غاية يحققها مع العلم ان التواصل في حد ذاته هدف قيم جدا انما تحقيقه اكيد مش عشوائي .
في نقطة مهمة جدا في موضوع التواصل دايما ألاحظها واحنا بنتكلم مثلا في الكلية ان احيانا كتير المتكلم يفقد القدرة على التواصل الذاتي مع نفسه اساسا يعني مش عارف الانا من جوه شكلها ايه بتفكر ازاي نفسها في ايه أهدافها ايه ودي مرحلة خطيرة جدا لان مهم جدا قبل التواصل مع الاخرين يكون هناك نوع من التواصل الذاتي مع النفس
بمعنى تاني جربت تقعد مع نفسك تكلمها وترد عليها لما تسألك لان أكيد نفسك بتسألك كتير أسئلة مثلا ممكن تسألك ان ليه مش بتصل رحمك ؟ أو انت ناوي على ايه الفترة الجاية؟ أو انت عملت كده ليه ؟(بس حاسب لتكون عملت مصيبة كبيرة يومها مش هتقدر تنام) جربت فعلا ترد عليا وتكلمها لازم تعمل كده قبل ما تفكر تتواصل مع الغير.
عملت كل ده بس انا ايه المهم في اني اتواصل مع الآخرين ؟ اقولك
1- أكيد عشان نعيش مبسوطين لازم نكون متفاهمين في علاقتنا مع الناس يعني من الآخر علشان نعيش بجد لو فكرنا شوية ايه السبب في ان ممكن ارتاح لشخص لمجرد رؤيته وآخر بيحصل معاه العكس لو تخيلنا ان كل الناس مش عارفة تتواصل مع بعضها اكيد مش هنقدر نكمل
2-التواصل معناه ان هقدر بكل سهولة استفيد من الشخص الاخر يعني لو الطرف التاني مختلف معي فكريا التواصل هيؤدي لنتيجة كويسة جدا ان انا استفيد من معرفته وهو كمان يستفيد مني
3- التواصل الإيجابي يحسن الصحة النفسية والجسدية نتيجة زيادة فرص العلاقات الإيجابية البناءة وحل المشكلات النفسية والاجتماعية, ويزيد فرص النجاح في الحياة عموماً, وبالتالي فإن التواصل الناجح يشكل البوابة الرئيسية للسعادة والنجاح التي ترضي جميع الأطراف
كده لازم نبدأ نعرف هنتعامل ازاي مع الناس حتى نصل الى الاتصال الفعال
1- اسمــــــــــــــــــــــــــــع
يعطي الاستماع انطباعاً أنك تهتم بوجهة نظر الطرف الآخر. غالباً ما يحتاج المتكلم إلى التعبير عن أفكاره بشكل واضح ثم الإدلاء برأيه النهائي. وإذا استمعت فلتسمع جيداً ، و لتعطي المتحدث اهتمامك كله، و اطرح جانباً أية مواضيع هامشية أخرى.ولا تقاطع محدثك ودعه يعرض قضيته كاملة حتى لا يشعر بأنك لم تفهمه.. لأنك إذا قاطعته أثناء كلامه فإنك تحفزه نفسياً على عدم الاستماع إليكذلك لأن الشخص الذي يبقى لديه كلام في صدره سيركز تفكيره في كيفية التحدث ولن يركز على كلامك ، ولن ينصت لك جيدا ولم يفهم ما تقوله ، في الوقت الذي تريده أن يسمع ويفهم حتى يقتنع .
2-الإبتســـــــــــــــــــــامة
اكيد مش هتلاقي أعظم من محمد (ص) في القدرة على التواصل مع الآخرين ،قال رسول الله صلى الله عليه وسلم " تبسمك في وجه أخيك صدقة" فعلا تخيل كده نفسك قابلت شخص اول ما شافك ابتسم ابتسامه لطيفة أكيد هو ده المفتاح الحقيقي للقلوب فحافظ وداوم عليها اكيد هتتواصل .
3-الاحســـــــــــــــــــاس
مانت لازم تكون حساس تعرف الشخص الاخر من شكله من اسلوبه هو عصبي في مشكلة معكننة علية كل الحاجات دي لازم انت تكون ملم بيها يعني بالعربي كن قوي الملاحظة .
4-المرونـــــــــــــــــــة
المرونة لازم تكون موجودة يعني بمعنى انك تقدر تتكيف مع كل الناس وفي كل المواقف ولو حصل موقف طارئ هتتصرف ازاي ورد فعلك في المواقف المختلفة بيكون ازاي اوعى تتعصب مع الناس اكيد مش هيفهموك .
5- الكلمة الطيـــــــبة
عليك الصلاة والسلام يا رسول الله قال: " الكلمة اطيبة صدقة " يعني بلاش الكلام الدبش لاء افهم الناس واستوعبهم عنوانك دايما كلامك فياريت يكون كلامك طيب ميأذيش حد حاول دايما تكون لطيف ( حاول )
6- صدقـــــــــــــــه
اظهر للمتكلم دائما انك على يقين وثقة بما يقول ولا تجعل نبرة التكذيب هي عنوان الكلام لان حتى لو كان هو بالفعل به هذه الصفة فاكيد هو مش بعترف بيها لنفسة ولكن حاول معالجته .
7- القــــــــــــــرار
قبل كل ده لازم تكون واخد القرار بانك هتكون متواصل مع الغير والقرار مش مجرد انيات وانما خطوات فعلية( أ\ محسن نزلنا كتاي هايل جدا هو نصائح من صديق بجد رائع وكله عن اتخاذ القرار)
ودي كانت مجرد نظرة سريعة على الموضوع وملحوظة الكلام يحتاج لتقيم لانه من دماغي فأكيد في خطأ ارجوا انكوا ترشدوني ليه وانا كتبت باللغة العامية لو وحشة أنا ممكن أكتب بالفصحى مفيش مشكلة بس قلولي
