عارفين لما بدخل المدونة بجد وده كل يوم أكتر من مرة بفرح بمشاركات أصحابي لكن بفتقد أصحاب لينا كانوا حاضرين معانا وشاركونا وتمتعنا بكتاباتهم بجد بفتقدكم جدااا
بتمنى من قلبي إن التعليم ميبقاش أكتر من مجرد سكشن ودرجات ونبقى " بتوع مصلحتنا " وده على فكرة مش موجود عند أكتر طلاب الفرقة التالتة المميزة جداااا ، عايزين نكسر كل الحواجز ونساعد بعض وتبقى قلوبنا على بعض " الله عز وجل يوكل ملك يرد لمن يدعو لأخيه عن ظهر غيب بأن يؤمن على دعواه ويقول ولك مثل "
بتقضي يومك في ايه !
متسغربوش لو قلتلكم إن أكتر فترة في حياتي لم استغلها وكانت هباءاً منثوراً هي فترة الجامعة ، كنت مجرد طالب موظف بيتعامل بنظام الحضور والانصراف وأحفظ عشان . . . انتو عارفين !
كنت أتمنى إني أقضي وقت الجامعة في دراسة اللغة وأدرس الكمبيوتر وده كله متوفر للطلبة بأجر رمزي ، لكن مرت سنييييييييييييين الجامعة ولسة صدقوني ندمان جداااااااا عليها . ويا ريت تكون رسالتي وصلت وابدأ فما تأخر من بدأ .
عندكم الفرصة للتغيير والتطوير .. بس سيبكوا من الاحباط والكلاكيع وتفاءلوا ونجرب مرة نقول يا رب بكرة أحسن وإن شاء الله هنوصل .
