عذراً.... إحنـــا لســـه بنتكلـــم......!
نفسي أعرف ليه كل واحد منا بيقول بكرة هعمل، دايما بنتكلم من غير ما نعمل، نفسي حد يقولي هو عمل أيه بالكلام والأماني، هل حقق حتى جزء من مطالبه ولاَﱠ مرت عليه أيام وسنين من غير ما يحس لحد ما لقى نفسه زي العطشان في الصحراء بيشوف السراب ومبيوصلوش، ساعتها حتى الحلم بيكون انطفى وبقى من غير فايدة لأن زمنه انتهى لأن كل حلم بتكون ليه فترة ممكن يتحقيق خلالها، ده مش يأس مني ولا لأني شايف الحياة من وراء ستارة سوداء لكني حبيت أوضح ده علشان نتحرر من عبودية أحلام ملهاش فايده لحرية العمل الجاد والنافع، ليه منبطلش الكلام ننوي ونعمل وبدل ما نقول للناس هنعمل……..
الأحسن نبهرهم بعملنا وده هيكون أثره أحسن من الكلام
وبنشوف يوميا كل الناس بيتمنوا وبيوعدوا لكن أحسنهم وانجحهم هو اللي بيعمل عمل يبهر الناس
ويمكن اللي شوفته في مدونتكم من إصرار على العمل هو ما دفعني للمشاركة وللتعبير عن سعادتي بالكتابة بين نخبة من العظماء ولا أبالغ لأنكم بالفعل عظماء في أخلاقكم، إصراركم، كتاباتكم، مناقشاتكم ومشاركاتكم وده خير دليل على أن العمل أهم من الكلام.

يلا بينا نمدّ أيدينا لبعض علشان نبني مثالي اسرة متكافلة مبنية على التواصل البناء والحب والتعاون والإيثار والفضيلة، خالية من الظلم والحقد والحسد وحب الذات، لكل فرد دور ننجح باتقانه، معتمدين على:
- النيّة الخالصة الصادقة.
- والأخلاق الحسنة الفاضلة.
- والآداب الجميلة الهادفة.
- والتعاون المثمر البنّاء.
- والنصيحة لوجه الله تعالى.
والله الموفق.
<< هاني >>......<< B or not 2 B >>