كل عام والجميع بخير , ويارب تكون السنة الهجرية الجاية سنة خير وسعادة على الجميع , ويحقق فيها كل اللي بيتمناه , وتكون شاهدة لنا لا علينا إن شاء رب العالمين....
أما بخصوص كلامي السابق عن أخلاقنا , وموضوع السلبية و الإيجابية...
فأنا شايفة شوية سلبية كتير منتشرة في دفعتنا ( مع احترامي للجميع ) ,( وسامحوني هأبدأ الكلام عن المجتمع اللي احنا عايشين فيه واللي احنا بنكونه وبعد كده هاتكلم عن نفسي ..) , لأني اتصدمت من معاملات الكثير منهم معي أو مع بعضهم البعض , وكنت بحاول أقنع نفسي بمقولة (أن الناس ليسوا سيئين فقط مختلفين) وأقول لنفسي يمكن انا شايفه كده علشان أنا إيجابية شويتيين (أصل الحقيقة مرة), وبحاول أحسن الظن في المعاملات اللي بتصدر من الناس..لاني والحمدلله أتربيت على نقد الخطأ أيا كان وبحاول أغيره لوقدرت ,(من رأى منكم منكرا فليغيره بيده,....) ,
وكنت بحاول اني أكون من أصحاب الدرجة الاولى ,ولكن للأسف لقيت اللي حولي مش عاجبهم كده وعايزين اللي ينافقهم ويجاملهم , لأن كل واحد فاكر نفسه هو الصح فقط والباقيين كلهم خطأ , وما حدش بيحاول يلتمس لأخيه العذر , ولا حد بيحاول يوسع صدره ويقول يمكن التصرف اللي حصل من غير قصد , اويمكن اللي قدامي يقصد حاجة وأتفهمت خطأ .
أنا الحمد لله لسه ما فقدتش الايجابية ,ولكن حاسة انها بتقل شوية بسبب السلبية الزائدة اللي حولي , فبدأت أفكر أني ابص للمواقف السلبية من حولي , وأنقدها علشان ما اكررهاش أنا في يوم من الايام , وبحاول على قد ما أقدر أتكلم وأعبر عن رأيي في الموضوع اللي حصل عسى الله ان صاحبة يقتنع ويتغير.
ومن ضمن ملاحظاتي اللي فكرت فيها,..
ليه مبنجربش نبص عالامور من وجهة نظر الاخريين ؟؟؟ ليه مبنفكرش نحط نفسنا مكان الحد ده ونشوف هوا باصص للامور من اي وجهة نظر ؟؟؟ ؟
ليه دايما لو عملنا كده وحطينا نفسنا مكان الحد ده ولقيناه هوا الصح بنكابر ونقول لاء مستحيل اطلع انا في الاخر الي غلط ؟؟؟؟؟؟؟
ولو كابرنا وحصلت حاجه واثبتت بعد كده ان الحد ده صح واننا احنا الي غلط بنقلب الايه عالحد ده ونحاول نطلع فييه القطط الفاطسه؟؟؟
لو عندنا طرفيين كل واحد فيهم شايف امر معيين من وجهة نظرو بطريقه مختلفه عن الاخر وكل واحد فيهم عايز يوصل فكرتوا للطرف الاخر ومش عارف ازاي ....الطرفيين دول زيهم زي اتنيين لابسيين نظارتين كل نظاره فيهم بتوصف حاجه مختلفه وده بيوصف لده الي هوا شايفوا والتاني مش مقتنع والعكس...... يبقى ايه الحل؟؟؟؟
الحل ببساطة ......عشان يقتنعوا هما الاتنين ببساطة لازم يبدلوا النظارات؟
يعني ده يلبس نضارة ده وده يلبس نظارة ده وكل واحد فيهم يشوف التاني كان قصدوا ايه .....
ولو كابرنا وحصلت حاجه واثبتت بعد كده ان الحد ده صح واننا احنا الي غلط بنقلب الايه عالحد ده ونحاول نطلع فييه القطط الفاطسه؟؟؟
لو عندنا طرفيين كل واحد فيهم شايف امر معيين من وجهة نظرو بطريقه مختلفه عن الاخر وكل واحد فيهم عايز يوصل فكرتوا للطرف الاخر ومش عارف ازاي ....الطرفيين دول زيهم زي اتنيين لابسيين نظارتين كل نظاره فيهم بتوصف حاجه مختلفه وده بيوصف لده الي هوا شايفوا والتاني مش مقتنع والعكس...... يبقى ايه الحل؟؟؟؟
الحل ببساطة ......عشان يقتنعوا هما الاتنين ببساطة لازم يبدلوا النظارات؟
يعني ده يلبس نضارة ده وده يلبس نظارة ده وكل واحد فيهم يشوف التاني كان قصدوا ايه .....
في إعتقادي أن أول خطوة في طرية الإيجابية أن احنا ننقي صدورنا من الغل والكراهية لبعض , علشان ماتتحولش الايجابية اللي عندك من غير ما تقصد الى ميكرسكوب بتدور بيه على اخطاء الاخرين وتقول أصل أنا إيجابي وبحاول أصلح الخطأ وأفيد اللي حوليه..!!!
(يارب مانكونش لابسين نضارات سوداء حاجبه عن أعيينا أخطائنا وأخطاء اللي حولينا..)
ويارب أكون طرحت فكرة جديدة ماحدش بصلها من الزاوية دي وأكون أفدت حد بيها , وربنا يصلح حالنا جميعا..(عذرا على الاطالة)
وكل سنة وأنتم طيبين.
