بجد انا عاوز اعرف رايكو
لاني ممكن اكون بكدب لو قلت اني لقيت اجابة مقنعه للسؤال دا
كيف اصبح انسانا ؟
من السهل جدا انك تسال بس صعب انك تلاقثي اجابه
والاصعب انك تلاقي اجابة مقنعه
والاصعب و الاصعب انك تقدر تقنع اي حد بالاجابه اللي انت اقتنعت بيها
في دنيتنا اللي احنا فيها دي
كل واحد مقتنع بكلامه ووجهة نظره وقليل جدا اللي ممكن يسمعوك
واقل القليلين اللي ممكن يسمعوك و يفهموك
والاشخاص النادرين بقي اللي ممكن يسمعوك ويفهموك ويكون عندهم اقتناع بوجهة نظرك
او علي الاقل احترامها
و الغالبيه العظمي بقي دول اللي مبيسمعوش وان سمعوك مش هيفهموك وان فهموك اعترضو علي كلامك
ولو اقتنعو بكلامك بردو مش هيعملو بيه
فعلا مفيش اسهل من الكلام
بس الفعل صعب جدا
اللي انا بحاول اعملو في موضوعي دا ان كلامي دا يخليك تفكر
بس تفكر بالطريقة اللي تناسبك
والاسلوب اللي يريحك
انا مبطلبش منك انك تفكر لان ربنا امرك بكدا
" تلك الامثال نضربها للناس لعلهم يتفكرون "
" كذلك يبين لكم الايات لعلكم تتفكرون "
ممكن جدا تكون طريقتي لكي اكون انسان .. تكون مختلفه عن طريقتك
بس احنا الاتنين فكرنا وحاولنا
وممكن كمان نكون وصلنا لاكثر من طريق تؤدي جميعها الي نفس النتيجه
لو بصينا مثلا للسادات تلاقيه اخذ سينا بحرب 73
ولو بصينا لمبارك اخذ طابا من غير حرب
الاتنين وصلو لنفس النتيجه بس كل واحد وصل بطريقه و اسلوب كان مناسب ليه
وللظروف اللي كانت حوليه
عرفت انا عاوز اوصل لايه ؟
خليك معايا
المهم انك بعد متكون فكرت تنفذ
وميكونش كلام فض مجالس يعني
وتبداء رحلتك للتغير
وطريقك لكي تكون انسان
مش مجرد كائن حي
متقوليش يا عمنا خليها علي الله
لاني بالفعل هقولك
" ان الله لا يغير ما بقوم حتي يغيرو ما بانفسهم "
متقوليش يا عم الموضوع صعب
لاني هقولك علي الاقل تحاول
متقوليش يا عم انا حاولت و فشلت
لاني هقولك " لا تقنطو من رحمة الله "
اتمني ان الموضوع ميكونش وسع مني وانك تكون لسه بتقاوم
اخوكم /
احمد شحاته
