الجامعة ملتقي للحبّيبة
حينما تطئ قدامي ارض الجامعة اشعر وكأنني قد اخطأت ودخلت جنينة الاسماك وذلك لاتقع عيناي على اي مكان في الجامعة الا واجد ولد وبنت جالسين مع بعضهما في حالة من الرومانسية و......و......و....الخ انا لااجرم الحب او امنعه ولكني احاول ان اعرف لماذا اصبح الشغل الشاغل لكثير من الطلاب من الجنسين عند التحاقهم بالجامعة اقامة علاقة عاطفية مع الجنس الاخر غير مكترسين بما في الجامعة من تعليم وانشطة فهل تحولت الجامعة من كونها ملتقي للعلم الي ملتقي للحبّيبة؟ ؟؟؟!!!!!!!!!!!
تقول ( ايمان عبد الفتاح كلية دار العلوم ) انا شايفة فعلا الجامعة بقت كدة وانا اعرف بنات واولاد بيجوا الجامعة بس علشان يتقابلوا حتى في ايام الاجازة والبنت هي السبب في كدة لان هى الى بنتشجع الولد علي انه يكلمها وبرضه الطلبة مابقتش تهتم بالمذاكرة لان اللي بيذاكر بينجح واللي مش بيذاكر بينجح بل بالعكس ممكن تلاقي ولد بتاع بنات ومقضيها يجيب تقدير واللي بيذاكر بينزل
اما( احمد عبد الحي كلية التربية الرياضية) فيقول وقت الفراغ هو نقطة ضعف الشباب فالطلبة لاذم تشارك في الانشطة وعلي فكرة انا مش بحترم البنت الي ترضى تمشي معايا من غير ابوها وامها مايعرفوا وانا عن نفسي لو بحب وحدة مش هديها مواعيد واقابلها
ويتفق معه (عماد داوودو كلية التربية النوعية)يقول الفراغ الدراسي هو الي بيدفع الطلبة انها تعمل كدة الدراسة مش عملية والمحاضرات بتتلغي والطالب لو معندوش حبيب يضيع معاه الوقت دة هيهج (على حد تعبيره) ويروح البيت يعني مش هتلاقي طلبة في الجامعة
ويقول( طالب رفض نشر اسمه) (وانتي مضايقة نفسك ليه ماتسيبي الناس تحب الحب جميل وبعدين انا حر مالم اضر)
وترجع (راجية نصر كلية التربية النوعية) السبب الى المسلسلات والافلام التي تظهر الجامعة على انها مجتمع مفتوح فقط للرحلات والعلاقات العاطفية وطبيعي الشباب بتتاثر بكدة خاصة ان احنا مجتمع بحب التقليد جدا
بينما يرجع (احمد عاطف كلية الاداب )السبب الي الكبت ويقول ان ايام الثانوية العامة مكنش في اختلاط فالواحد لما بيجي الجامعة بيبقى عايز يعيش حياته
وتتفق معه( مني كلية التربية) وتقول السبب الاساسي ان مفيش اختلاط في المراحل الي قبل الجامعة فتلاقي الولد جاي الجامعة محروم (على حد تعبيرها)وعايز يجرب ويعرف شخصية البنت ونفس الشئ بالنسبة للبنت والحل الوحيد هو الاختلاط في كل المراحل التعليمية
وتختلف معهما( جهاد صلاح كلية الاداب) وتقول ان الاختلاط هو سبب المشكلة فيجب منع الاختلاط في المدرسة والجامعة
اما (حسنية عزت)كلية التربية تقول مفيش تعليم كويس وانا عن نفسي مش حاسة باهمية التعليم والتعليم في الجامعة عبارة عن تدفع فلوس الكتاب تنجح ماتدفعش ماتنجحش فطبيعي الطالب مش هيهتم بالتعليم ويفكر في حاجات تانية
وتقول (مروة محمد رابعة تكنولوجيا) الشباب عارفين انهم بعد مايتخرجوا مش هيلاقوا شغل يعني مفيش فلوس يعني مش هيجوزوا فبيقضوها مشي وتسلية
بينما يرى ا/محمد لطفي معيد بكلية الاداب ان السبب الرئيسي في هذة الظاهرة هو تراجع دور استاذ الجامعة ويقول مفيش استاذ قدوة يعني مثلا المحاضرة بتبقى الساعة 10 الدكتور يجي الساعة 12 فالطالب عنده وقت فراغ طب هيعمل ايه ؟؟ يقعد يهيس يهرج يكلم بنت كمان المقررات بقت تافهة والمحاضر مش بييطور نفسه هوهو اللي بيقوله من عشر سنين وانا شايف ان الحل هو الاستفادة من وقت الفراغ اللي في الجامعةممكن الطالب ياخد كورس يشترك في اسرة يعمل نشاط ثقافي علمي000000الخ او يدخل المكتبة
تربط د/عايدة استاذ الاجتماع بكلية الاداب جامعة المنيا هذة الظاهرة باكثر من عامل
اولا قصور الجامعة عن امتصاص طاقات الشباب وذلك نتيجة النزايد الهائل في عدد الطلاب
ثانيا نوعية الدراسة في الكليات فمثلا لو قمنا بعمل مسح للظاهرة نجدها منتشرة في الكليات النظرية التي تعتمد على الكتاب فلا يكون الطالب بحاجة الى حضور المحاضرات
ثالثا شعور الشباب بالاغتراب نتيجة ان احساسهم بعدم وجود عائد للتعليم فالمقررات الدراسية لاتتمشى مع سوق العمل
رابعا ضياع القيم وضعف البعد الديني
خامسا القيم المسمومة التي تبثها وسائل الاعلام
كل هذة العوامل تجعل الطالب ينصرف عن التعليم الي عمل علاقات عاطفية يهرب بها من الواقع
وترى ان الحل في الاتي
على الاسرة ات تعيد طريقتها فيعملية التنشئةلان ثقافة الاسرةالحالية ماعادتش تصلح في ظل المتغيرات اللي حاصلة في المجتمع
على الجامعةان تتوسع في الانشطة والمعسكرات والندوات التي تبصر الطلاب بمخاطر بعض الظواهر الاجتماعية زي الاختلاط غير الموجه والاباحية في العلافات ويجب على الدكتور ان يشجع الطالب على النشاط
نظم التدريس يكون فيها نوع من التجديد وتجعل الطالب يشارك في العملية التعليميةوليس مجرد متلقي وبكدة نستغل نشاط الشباب ففى حلجة مفيدة وترجع الجامعة ملتقى للعلم
