السلام عليكم ورحمة الله وبركاته
طبعا قبل اعرفكم بالى اقتحمت مدونتكم احب اقولكم انا سعيده جدا بيكم واتمنى مش ان الطلبه بتوعى يكونوا زيكم بس لا انا اتمنيت فى اللحظه دى انى ارجع طالبه تانى زيكم ليا اساتذه اعزاء زى اساتذتكم واقدر اشارك برايى او على الاقل استفاد من اراء غيرى لو مدحتكم مش كفايه فيكم بس دلوقتى اعرفكم بنفسى اسمى بسمه السعدنى معيده بكلية التربيه النوعيه بالمنصوره.
والجميل كمان موضوعكم كيف يمكنك الحصول على فرصة عمل طبعا كلنا نحب ان بعد دراستنا ان احنا نشتغل وياريت كمان اه .... لو فى تخصصاتنا ايه رايكم ان الحل الى بتدور عليه
اولا: ان احنا نتخلص من حلمنا ده ولو حتى ناجله هو ان احنا نخرج من دايرة الوظيفه الميرى وكمان فى تخصصنا دا اول حاجه ممكن نتفق عليها .
ثانيا :ان كل واحد فينا عنده موهبه عنده حرفه مش عيب ابدا لكن المهم انك دايما تكون واثق من نفسك وكمان من جودة الى بتعمله حتى ولو العمل ده بصفه مؤقته ومقصدش بالمؤقت مده قصيره قوى لا اقصد تعب كتير قوى ومده بحاول اوصل فيها لاحلامى وذاتى ايه رايك لو نتعلم من اباءنا حرفتهم جميل ونكبرها ايه رايك لو عندك محل مقفول تجمع اصدقائك ونتتفقوا مع بعض على مشروع انت بالمكان وهم بالمال ايه رايك لما تفتح محل كوحده صغيره للمونتاج والتصوير معاكم ان جميل ان احنا نتعلم بس الاجمل ان احنا نستفاد من علمنا فى مهن اخرى زى مثلا طلبة اعلام فى مهنة النقاشه متضحكوش لما يستفيدوا من النقشات العالميه المنشوره فى وسائل الاعلام ازاى يركبوا الالوان الوان الموضه ومعانا طلبة فنيه طبعا مهنه جميله ليهم الوان ونقشات ورسومات وديكورات حتى الحاسب الالى ليه دور سمعتوا عن الوان الكمبيوترجميل يعنى اصحابك لو فى اى قسم بتجمعنا حاجه مشتركه مش فى النقاشه بس فى كل حاجه فى حياتنا ومقصدش مهنة النقاشه فى حد ذاتها انا اقصد كل مهنه نقدر بشكل او باخر نستفيد من تخصصتنا فيها .
فى بداية حياتك اعرف ان رزقك لن ياخذه غيرك المهم انك تدور عليه فكر وخطط حياتك وحط لنفسك بدايل لكل مرحله صدقونى هتوصلوا وجرب واكيد لو ماكسبتش مش هتخسر .
