السلام عليكم ورحمة الله وبركاته
اعتذر بجد علي الأنقطاع عن المدونة كل هذه الفترة ولكن هذا الأنقطاع كان لظروف خارجه عن ارادتي
لكن موضوع الوظيفة جعلني اشارك لتوضيح حاجة انا لمستها وعشتها بجد في حكاية الوظيفة
انا شايف المهم مش الوظيفة المهم فلوس الوظيفة اللي تقدر من خلالها انك تسد احتياجاتك الأساسية منها في كتير بيشتغلو ووظايف تبدو ممتازة زي المدرس مثلا وظيفة ومحترمة بس فين العائد المادي لازم المدرس يدي درس خصوصي علشان يقدر يغطي مصاريفه
اللي فات ده انا بتكلم علي شخص واحد بس اية رأيكم في واحد بيصرف علي بيت كامل ؟
ولا اية رأيكم في شب المطلوب منه يحوش ويغطي مصاريفه الشخصية و يشارك في البيت ؟
المفروض الواحد يدور علي وظفتين او تلاتة مش لسة بنفكر في ازاي نوصل لوظيفة واحدة
انا شايف ان الواحد اللي بيحاول يوصل لوظيفة وحده حتي لو مرتبها كبير لازم يدور علي الأكبر منها او وظيفة تاني معاها
والناس مش بتبص الا للفلوس لكن المكانة الأجتماعية دي اتلغت تماما المهم الفلوس وبس
انا كرهت الفلوس بسبب تهافت الناس عليها
معظم كلام الناس دلوقت بقي ( بكام ) ( معاك كام )( تقدر تيجيب اية ) ( موبيلك تمنه كام )
مفيش حد بيسأل حد علي شهادته ايه
احنا بنعيش في مجتمع الفلوس فيه تعمل اي حاجه تخلي الجاهل يحكم وتخلي الظلم ينتصرعلي الحق
وانا آسف علي الأطالة ويارب اقدر اشارك دائما في المدونة
ودائما وابدا اقدم كل الشكر لأستاذي أ /عبد المحسن علي المدونة اللي بنقدر من خلالها نقول افكرنا بحرية ونفيد بعض بجد
