بص شوف.....؟!!
السلام عليكم
انزل الشارع كده
واتمشى شوية
شايف اللى انا شايفه؟
شايف الزبالة؟
شايف القذارة؟
الزبالة اللي مرمية في الشارع
انت السبب
ايوة انت
انت ياللى بتقرا كلامي دلوقتى
(مع احترامي لكل من يعلوني قدرا)
انت ياللى فاتح ازاز (شباك) عربيتك عشان ترمي منه المنديل
المستعمل بتاع سيادتك في الشارع
انت ياللى ماشي وايديك في ايد خطيبتك (هداك الله) وعمال تتف
قشر اللب من بقك جنب سور الكورنيش
انت ياللى عامل فيها أحمد السقا (ربنا يهديه) وبتشد آخر نفس من
السيجارة، وتقوم راميها بعنف على الأرض
انت ياللي مش عارف تودي كيس الزبالة بتاع بيتكم فين، فتروح
راميه وسط اخواتهم على الرصيف
انت ياللى مش عاجبك الناس اللي بتكنس الشارع كل يوم عشان
خاطر سيادتك
انت ياللى بتقول: هو فييييين صندوق الزبالة؟ وهو على بعد 3 متر منك
انت ياللى بتقول: طب ما كل الناس كده
أنا عايز أقول حاجة مهمة
لو افترضنا جدلا إن كل الناس كده
يبقى أولا أنا عايز لما أقف قدام ربنا يوم القيامة ما يحاسبنيش على
الزبالة اللى أنا مشارك فيها
ثانيا أنا لا يشرفني إني أكون من الناس اللي كده، وإن كثر عددهم
رب اهد قومي فإنهم لا يعلمون
وأعتذر عن الحدة في الكلام
فالأمر مستفز.
و....للحديث بقية
