السلام عليكم ورحمة الله وبركاته
الموضوع جامد اخر حاجه بصراحه
بانسبالي !!!!!!!!!!!
انا اصحي الصبح اروح مصلي ونازل الكليه مقضي يومي عادي جدا في الكليه لحد مامشي
برجع من الكليه اصلي و انزل الدكاكين شوية مع والدي
واروح داخل علي النت
لو عندي شغل اعلانات ع الفوتوشوب و الثري دي ماكس بحاول اخلصو علي فكره الاعلانات دي مكسبها حلو قوي اللي عاوز يرشق في موضوع الاعلانات دا يبقي يكلمني وانشاء الله في خير بحاول اظبط مع مندوبت الاعلانات بتاعت شركة فودافون و موبينيل وانشاء الله في خير جامد قوي
مش عاوز اطول عليكو
المهم اني نفسي التعليم في مصر يتغير مش يبقي بالشكل دا
انان حاسس اننا مش بنتعلم بجد مثلا متلاقيش كل واحد في مكانو
اللي عاوز يدخل كليه سياحه بتلاقيه في كلية حقوق
واللي عاوز يدخل اعلام بتلاقيه في حته تانيه خالص ملهاش اي علاقه بالاعلام
نفسي بجد الدكاتره تغير شكل التعليم في الكليه
نفسي الدكتور يخلي الطالب هوا اللي يحط المنهج اللي كان نفسو يدرسو
مش يفرضو علينا كتاب 400 صفحه
ويادوب يحذفو 20 صفحه
بصراحه دا مش تعليم دا جبر
امتي الواحد يصحي من النوم يحب يروح الكليه
مش يقول يوووووووووو صحينا علي الهم لازم نروح الكليه بدري انهرده
يووووووووو انا عندي فلان انهرده
يوووووووو و يوووووووووووو و يوووووووووووووووو
امتي هنبقي احسن
امتي هنحس اننا في بلد ديموقراطي
لحد أمتى هتفضل السلبية واللامبالاة جوانا ؟؟؟
ومش كدا و بس
انا كمان نفسي نحب بعض
انا شايف اننا وصلنا في حقدنا وغلانا وكرهنا لبعض
لدرجه تخوف بجد
لحد أمتى هنفضل بعيد عن بعض وكل واحد فينا في وادي تاني
وماشي في حاله وبيفكر في نفسه ومصلحته بس ؟؟؟
تلاقينا علي طول متفرقين ومش ثابتين علي راي واحد
لحد أمتى هيفضل الجشع والطمع جوانا ؟؟؟
وبعد كل ده بقى عايزين نبقى أحسن
عمرنا ما هنبقى أحسن إلا لما نعرف
إزاي نحب بعض
وكلامنا يكون من راينا ودماغنا
ونقف أدام أي حد ونقول كلنا لا لكل حاجة مش عايزينها
نقول لا للسلبية واللامبالاة
بصراحه
امتى دا هاييجي لما كل واحد يقف مع نفسه
ويسألها الاساله دي
ويجاوب عليها ساعتها بس هايقدر يحدد هو فين بالظبط ساعتها بس هنبقى يا ابيض يا اسود
ومش هانبقى سلبيين
السلبية و الخوف و اللامبالاه و المحسوبية و الوساطه بقيت امور طبيعيه جدا
لدرجة ان الناس مش بتفكر تغيرها لانها عايشه بيها
عارفين احنا محتاجين ايه
إحنا محتاجين أننا نفكر في حياتنا كلها من الأول للآخر
ونحسبها صح عمرنا ما هنفكر في جنب واحد بس هنفكر إزاي نكون أحسن في كل حاجة
ساعتها بس هنسيب اللامبالاة والسلبية للأبد
