كلنا كلامنا كان واحد وكانت اسئلتنا شبه بعض زي ليه بنخاف نساعد بعض ؟ ايه الضرر من مساعدة الناس؟ هل حب الناس متعلق بحبي لنفسي ؟ وصراحة الكلام جميل بس انا كده احترت جدا .
الفترة الأخيرة وقبل الاستاذ محسن ما يطرح الموضوع كنت دايما بتكلم مع الناس في الموضوع ده ومش مع أصحابي بس لكن كمان مع والدي ومع زميلاتي ومع الناس اللي أعرفهم كلهم لاني فعلا كان نفسي أعرف أرتاح وكان نفسي أعرف ايه اللي بيحصل بس بعد طرح الموضوع لقيت ان كلنا بنحس بنفس الشيئ يبقى مين السبب لما كلنا زعلانين من نفس الطريقة اللي بينا يبقى مين فينا خطأ ازاي أكون بشتكي من شخص معين لموقف بالفعل حصل وبعد فترة شخص آخر بيشتكي مني لنفس الموقف ؟!!! بصراحة لو جربنا مرة واحدة ناخد دور المتفرج لمدة بسيطة هتلاقي ان الموضوع معقد كله بيتعامل بنفس الطريقة وفي الآخر كله بيشتكي .
انما فعلا الصدمة الأكبر ان التغير الخاطئ في سلوكنا لم يحدث على نطاق ضيق بل ان المجتمع كله يسير بشكل خاطئ مجتمعنا ازداد في العنف وازداد في المشاعر السلبية ويتناسى كثيرا الصواب والخطأ وأصبح للمجتمع الجديد معاير جديدة ولكنها معاير مختلفة ومغايرة لكل ما حاول آبائنا زرعه داخلنا .
أنا فعلا موافقة أحمد جمال جدا ان البداية الصح اني أبدأ بنفسي وده فعلا كان الحل اللي توصلت ليه أنا وفاطمة واحنا بنتكلم عن الموضوع ده وقلنا ان أهم حاجة أن أعرف انني أعامل الله سبحانه وتعالى قبل معاملتي للبشر واعرف ان دوري مش مجرد انسانة عايشة وانما دوري اني أكون فعالة حتى في حياة الآخرين وان اسعادهم هو الطريق لرضى الله فلو كان الطريق الى الرحمن مليئ بهذه الأشواك
ماذا أنت فاعل؟؟؟
