انا فعلا مقصر شويه فى حق المدونه فى انى مبدونش زى الاول بس والله متابعها على طول وده بسبب الضغط اللى احنا فيه الفتره الاخيرة،وبطلع على كل المواضيع وانا شدنى قوى موضوع فاطمة حسن .
لانه فعلا ده بيحصل من معظم الدفعه سواء كانوا ولاد ولا بنات ، بس الكلام ده من سنه اولى مش من سنه3 ، بس منكرش ان فى ناس لما بطلب منها حاجه بتدينى والكلام ده كان فى سنه اولى بعد كده الناس ده ابتدات تخبى عننا ،وكان هذا تقصير مني، بس ليه يا جماعه منساعدش بعض ، ( انا مثلا بشرح لناس كتير الاحصاء ولاد وبنات ، كمان تكليفات التربيه العملى ، اللى بتعبنى جامد بعملها لكتيير قوى من الطلبه والطالبات ) وعمرى مفكرت انى هما ممكن يجيبوا احسن منى ولا ده ماده واتخلينى افرق عنهم فى الدرجات ، لانى انا مش عايز غير اللى انا اساعد اخويا او اختى المسلمه.
بس انا عايز اقول لفاطمه حاجه ( ممكن تبداء بنفسك ) الاول شوفى انت ممكن تساعدى اى حد، مثلا فى ماده انت مذكراها كويس قوى وعامله فيها ملخص ممكن تتديه للمحتاجه وربنا يجزيك خير.
( ووالله يا جماعه احنا فينا ناس كويسه قوى ، لو حاولنا انى احنا نعمل شغل مع بعض ايطلع بطريقه كويسه)،لو حد فينا فى دماغه فكره وعارف انى ممكن ينفع بيها الغير ممكن يقولها ونشترك مع بعض ، فى تنفيذها . وانا والله متاكد ان الشغل ده ايكون كويس جدا واننفع بيه الغير.
ولو عندك افكار وانا اقدر اشاركك بحاجه تاكدى ان مش ابخل عليكى بيها .
ويجزيك الله خيرا .
