"وذكر فإن الذكرى تنفع المؤمنين"
الحمد لله كلنا مؤمنين بقضاء الله وقدره وأن كل شئ كتب ورفع منذ الأزل وكل واحد بيأخذ نصيبه , لكن أذكر نفسي وإياكم بمعنى كلنا عارفينه- لكن بحكم أننا بشر بننساه ساعات كتير - وهوه لو ربنا كاتبلي أجيب التقدير أو الدرجة دي في ماده هاجيبها حتى لو أجتمعت الجن والأنس علشان تغيرها برضه هاجيبها ..واللي شجعني أتكلم في الموضوع ده أن أ/محسن أتكلم مره عنه بإختصار داخل أحد السكاشن ونفسي المعنى يوصل للجميع.
فما فيش داعي بقى نخبث على بعضينا , ولوأحد طلب مساعدتنا في شئ أو محاضرة مثلا نرفض أو نتحجج بحجج كذابة ونضطر من غير ما نقصد ندخل في كذب ونفاق مالهوش داعي وبيبقى مكشوف وحركات تانيه كتير..!!
وللأسف سكة الندامة دي (الخباثة)- وسامحوني على إستخدام الألفاظ الجامده دي -بتقتل معاني حلوة كتير جوانا وتغذي حاجات مش حلوة زي النفاق (حفظني الله وأياكم منه) ودي مش صفات المؤمن ,وللأسف الشيطان بيدخل وقتها ويبرر لك إللي أنت بتعمله ويقولك ياابني دي منافسة..
أيوه المنافسة مطلوبة "وفي ذلك فليتنافس المتنافسون" ولكن لازم تكون بترضي ربنا الاول.
وياريت نفتكر الحديث الشريف اللي بيقول " كان الله في عون العبد مادام العبد في عون أخية " , وأن ربنا هايعوضك خير ،إن شاء الله ويكرمك وأن المعلومة اللي هايخذها غيرك منك مش هيه اللي هاتضيعك وتنطره هوه .. ويارب مانكونش بتوع مصلحتنا بس ونقول يلا نفسي (علشان ربنا يحبك)
كلنا ملاحظين ومش عاجبنه اللي بيحصل وملاحظين أن حالنا ماكنش كده في سنة أولى لكنه بدأ يتغير في ثانية ويزداد سوء في ثالثة وأنا حبيت أعلق ..
ولو في حد معترض على اللي أنا قولته يرد عليه ويقولي ,, ووالله مش هازعل لو طلعت غلطانة , وممكن أكون حكمت على موقف أو إثنين "وجل من لا يسهو" -وياريت يطلع حالنا مع بعضنا أحسن من كده -
وسامحوني ثاني مره أصل الحقيقة مرة
