السلام عليكم
من جهة الحاجات اللي انا نفسي فيها بجد فهي كتير شوية وساعات بوصل لدرجة اني اقول نفسي في قسم اعلام من جديد ده طبعا لا يمنع ان القسم في بعض الايجابيات الجميلة بس كمان بنفتقد ما يؤهلنا مهنيا وهحاول اقول شوية حاجات يارب تكون ممكنة
1- اول شيئ نفسي يتغير هو العلاقة بين الطلبة واعضاء هيئة التدريس اكيد مش كلهم بس في فعلا بعض بعضهم لسة فعلا بيعملنا كأننا لسه اطفال يعني ساعات يبقى نفسي انهم عرفوا اننا اكيد كبرنا وعقلنا كمان بيكبر يعني مش اطفال ولازم يكون في مستوى ثقافي واسلوب معين نقدر بيه نتواصل معاهم طبعا في ناس منهم كده بس فعلا نسبة مش كتيره يعني اكيد لو المعالة اصبحت احسن هيكون الطلبة نفسهم يتكلوا يشتغلوا يتطوروا ويكونوا احسن باذن الله .
2- نفسي احنا كطلبة نتغير... فكرنا اسلوبنا طريقة تفكيرنا شغلنا انتاجنا وبجد فرحت جدا لفكرة ورشة الاصدقاء فكرة جميلة جدا جدا انا متحمسة ليها جدا ونفسي نبدأ بدري يعني بسرعة نشوف هنعمل ايه ايه اللي هيتعمل الفترة الجاية ايه الوسائل اللي هنستعين بيها فعلا شيئ يفرح جدا اننا ممكن نلاقي طريقة نوصل بيها لكل طلاب قسم الاعلام ويارب اكون من المشاركين في الورشة الجميلة دي
3- من جهة المعامل نفسي يكون في معمل كمبيوتر بس متطور خاص بالقسم نقدر فيه نتعلم ونعرف كل ماهو جديد في عالم الاعلام من برامج وخدمات وغيره وده اكيد هيساعد طلاب القسم على التطور
4- معمل تصوير فوتوغرافي لانه لا يعقل اننا ندرس مادة تصوير في قسم الاعلام بالكتاب فقط يعني ولا كاميرا ولا احماض ولا اي حاجة مجرد كتاب وكمان طباعة الكتاب مفيش اسوء من كده - بجد ده مش شيئ غريب -
5- استديوا نقدر من خلاله نخرج ما بداخلنا لان فعلا جميع الطلبة كل واحد فيهم يملك موهبة معينة وقدرات لو توفرت الادوات اكيد هنفرق كتير يعني انا فعلا اغضبني جدا قرار الكلية بوقف مشروع التخرج (الفيلم ) وفعلا هما محبطين جدا وده حسيته قوي من كلامي مع شيماء وهي من الطلاب المشاركين في الفكرة والرفض كان سياسي شوية بس كمان في افكار غير دي كتير لو كان عندنا استديوا واحد كان يبقى سهل تفعيل هذه الافكار والاستديوا يكون مزدوج اذاعي وتلفزيوني
6- نفسي يكون في دورات تدريبية وتأهيلية لطلاب قسم الاعلام دورات سواء مجانية او استثمارية بس تكون مخفضة اكيد وتكون الدورات دي في صميم عمل الاعلام بدءاً من دورات الكمبيوتر الى دورات التصميم وغيره
7- الاعلام الرقمي وده فكر لازم يكون في خريج الاعلام يعني الاعلام مش جريدة وبرنامج وبس انما الموبايل اصبح هام في مجال الاتصال الانترنت وغيره كل دي مفاهيم لازم تكون في اذهانا واحنا بندرس .
دي شوية حاجات بعتبرها مهمة من وجهة نظري لان فعلا نفسي اشوف قسم علام يمارس ماله علاقة بقسم الاعلام مش مجد كتب وورق وامتحنات
