السلام عليكم ورحمة الله وبركاتة
فى البداية بشكر أستاذى عبد المحسن لطرحة الموضوع دة لإننا فعلاً كدة هنتكلم فى موضوع شائك كلنا بنتجنب مجرد ذكرة قدام بعض وهقول موقف حصل بالتحديد يوم الخميس إلا فات كنا فى محاضرة فى كلية آلسن كل الأقسام مع بعض والدكتور شرح لينا نظام المحاضرة وقال إننا هنقسم مجموعات حسب الترتيب الأبجدى فى القائمة وكدة هنكون أولاد مع بنات .
المهم قال لو حد عندة مشكلة يعرضها فابنت من قسم تكنولوجيا تقريباً قامت وقالت( إحنا كدة هنتعامل مع الأولاد وإحنا مش حابين كدة)
الدكتور نفسة إستغرب وقال دى مشكلة مش متوقعة ورد عليها واحد من نفس دفعتها قالها إحنا هنتكلم فى الشغل والعرض مش فى امور الحياة وطلع البنت بصورة إن تفكرها سرح بعيد حتى بعض البنات إستغربوا كلامها مع إن دى وجهة نطرها والمفروض تحترم ومش قصدى إن الشغل مع بعض عيب أو حرام بس يكون لية خطوط معينة محدش يتجاوزها.
إلا عايزة أوصلة إن حتى وجهات نظرنا فى الموضوع دة مش بتحترم وبنقول دة تخلف ورجعية بس ياجماعة البنت تسأل نفسها سؤال ياترى الشاب دة عايز منى إية ياترى خير؟ نتعرف طيب وبعدين ؟ هنرتبط ولا مجرد تسلية وتمضية سنين الجامعة؟هستفاد إية لو كانت مجرد تسلية ؟هقدر أمشى معاة قدام كل الناس ومخفش حد من أهلى يشفنى؟؟طب لو كانت الإجابة لاء يبقى أكيد بعمل حاجة غلط.
لإن الصح مكانة النور أه نسيت وهقدر أكتبة بإسمة على موبيلى من غير مأخاف لبابا أو ماما يشوفة؟ولا أكتبة بإسم بنت؟ وأنا متأكدة إن 80% من إجابة الأسئلة دى هيكون مصدم هتحسى إنك بتسرقى أصلاً وأنا والله مش بتفزلك بس فعلاً هتكونى خسرانة كتير من سمعتك ومشاعرك وقبل كل دة غضب ربنا سبحانة وتعالى ومش معنى كدة إن الحب غلط بس يكون حب النور ونهايتة شرعية مش فلم أجنبى وأولاً وأخيراً إلا بيحكم الإنسان عقلة وتربيتة ودينة وسبحان الله إن أخر آية نزلت من القرآن الكريم كانت ..
بسم الله الرحمن الرحيم
( وَاتَّقُواْ يَوْمًا تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ )
صدق الله العظيم
سورة البقرة 281
