اولا رأي ان موضوع الاسبوع مهم جدا وياريت كلنا نتكلم فيه علشان نوصل لفكرة واحدة لان ده الهدف الاساسي
موضوع العلاقات هذه اصبح شيئ عادي جدل لدرجة انه اصبح سمة مميزة لها العصر يعني مينفعش مكونش عرفة اكتر من شخص وكمان مينفعش مجربش وكاننا مش بنتكلم عن علاقة كبيرة جدا ومش بنتكلم عن ساعات ودقائق بتجري وبننسى كل شيئ صح بنسمعه .
وقصدي من العنوان ان بالفعل اصبحنا نرى كل شيئ سهل جدا وبنقلد غيرنا يعني اعلامنا لما بيتجدد لازم يكون عصري يعني بمعنى أوضح ان أفلامنا تحتوي على نفس ما نراه دوما في الافلام الاجنبية واعتدنا على كل شيئ لدرجة ان هذه العلاقات لا يمكن ان تظهر في الدراما أو البرامج الا بوصفها العلاقات الطبيعية والتي من المفترض انها الاساس وليست البدعة .
وللأسف دلوقتي ممكن يكون اب بيسمع مع اولاده التلفزيون ويتشد للفيلم ويركز وينسى ان كل مشهد يشوفه وميعلقش عليه فهو يثبت انه موقف عادي من الممكن اننا نكون فيه .
بس المشكلة الاكبر ان يكون طرفي العلاقة يدركون تماما انهم يخطئون ولكنهم يصرون وهذا عند الله اشد من المعصية ذاتها وانا ضد تماما فكرة انهم ممكن يكونوا على غير وعي او لا يدركون ان شايفة ان نسبة هؤلاء لاتتعدى 10% منهم انما الباقي يعرف ولكن ينسي نفسه لانه مبسوط .
تضارب واضح
أهم حاجة ربنا ميز بيها أمتنا وهي انها أمة وسط للأسف افتقدنا هذا المعنى كثيرا فأنا أرى اما فريق متشدد جدا لدرجة تحريم مجرد الكلام أو حتى التعاون في العمل وفريق آخر هو من نحن بصدد الحديث عنه وهو فريق اختزل معنى الحب والعلاقات السامية الى مجرد علاقة في الظلام وسعادة عابرة وألم محتم فلماذا لانكون أمة وسط بمعنى أبسط اني ممكن أتعاون في حدود المموح بس كمان أعرف قيمة نفسي كويس ،لا أنعزل كلية ولكن أتواجد بما هو مسموح لي، أرضي ربي فيرضى عني
الــــحــــــوار
رغم الاتفاق على ان هذه العلاقات هي خاطئة في كل أوجها انما بصراحة أنا شايفة ان الحوار ممكن يحل حاجات كتير يعني بيوتنا لو توفر فيها القدر من الحرية التي يسمح بالنقاش اكيد هيكون بناتنا وشبابنا أكثر وعي واكيد الحوار ده مش في البيت بس انما في الجامعة مع اصدقائنا المهم اننا نتحاور أكيد هنغير وضعنا فلا بد أن يصل طرفي العلاقة الى احترام أنفسهم وأهلهم حتى ولو لم يكونوا موجودين فمجرد موافقتهم على ذهابي للجاعة فهو وعد مني بالالتزام وقبل كل ذلك فالله أولى أن نرضيه وهو الوحيد القادر على اسعادنا بما يرضيه دوه الوقوع فيما يغضبه
دي اول حاجة خطرت في بالي وان شاء الله نستمر في المناقشة طوال الاسبوع وربنا يوفقنا
